ഈ കിളിവാതിലിനരികെ നിശബ്ദയാവുന്നു
വിരഹത്തിന്‍ ഈരടികളുമായ്
ഒരു കിളി പെണ്ണ് പറന്നകലുമ്പോള്‍
ഞാന്‍ ഓര്‍ക്കുന്നു നീ ഇന്നും തനിച്ച്
എന്റെ നെറ്റിയില്‍ ഋതു -
സന്ധ്യയുടെ കുങ്കുമ പൊട്ടലിയുന്നു
നമ്മുടെ മൌനസംഗീതത്തിലെപ്പോഴും
വിരഹത്തിന്‍ തിരയടി
ഈ രാവില്‍ നിന്റെ സൌരഭ്യം
മഴയായ് ഊര്‍ന്നു വീഴുമ്പോള്‍
ഞാന്‍ അറിയുന്നു നീ ഇന്നും തനിച്ച്
ഈ രാവു നമ്മുടെ സ്വപ്നങ്ങള്‍ക്ക്
പൊന്‍ തൂവാല തുന്നട്ടെ
സ്വപ്നങ്ങള്‍ക്ക് മഴയുടെ വായ്താരി
എന്റെ ഓര്‍മയുടെ മുകുളങ്ങളില്‍
നിന്റെ ഹൃദയത്തിന്‍ തുടിപ്പുയരുമ്പോള്‍
ഞാനറിയുന്നു നീ ഇന്നും തനിച്ച്
No comments:
Post a Comment